長沙灣和味館家常小菜評論

河馬仔

『馬場樂子(妹)』(18) : 網上賽馬節目之看板娘，負責報導賽馬結果，兼任賽馬節目之秘書。

『馬場彩珠(姐)』(18) : 樂子的孖生家姐，在網台節目中除了負責報逢二四(六或日)之攪珠結果外，亦會負責客串一些感情節目。

『Mary CHAN』(18) : 馬場姊妹的大學同學及網台同事，負責攝影之外亦負責在青春節目中客串。

『司馬蓮華(姐)』(18) : 馬場姊妹的大學同學及網台同事，喜歡唱歌跳舞，間唔中在電台節目中唱下歌。



(文章部份)

樂子 : 今日我地大圍枱人一齊食飯，家常菜就最啱啦。

蓮華 : 每人都可以食到歡喜的餸菜，不夠的話又可以加一兩碟。

Mary : 小菜館真係度度都有，呢間蓮華話有時都會同屋企人來食下晚飯小菜，今次就試下蓮華嘅選擇啦。




蓮華 : 點菜之前不如我和Mary去洗一洗東西吧，您們看看有什麼要點的唄。



樂子 : 其實有咁多樣餸，不如就逐幾樣講呢。





樂子 : 菠蘿咕嚕肉+豬什煲+家鄉焗魚腸，咕嚕肉較預期甜，味道及脆口程度尚可以。豬什煲料非常足而且多配菜，食得麻辣的朋友應該幾喜歡，最好就係豬什食落都覺得清洗算乾淨。而家鄉焗魚腸這個焗得唔錯，焗得夠香之餘魚腸份量適中，而且夠厚，頗有層次。

馬場樂子 --- 對菠蘿咕嚕肉+豬什煲+家鄉焗魚腸之評分 :








蓮華 : 沙白雞+刴淑蒸鮮魚雲+蒙古烤羊排骨，鮮雞加上沙白煮成湯，白色的湯充滿了雞和沙白的精華，雞肉比較預期中滑。刴淑蒸鮮魚雲一道菜就對嗜辣嗜吃魚的朋友來說，應該會是一定會試的。魚雲很滑而不覺泥味，加上酸酸辣辣的味道，配酒真的很好吧。而蒙古烤羊排骨加上孜然粉，肉算香，只是羊騷味就欠了少少呢。

司馬蓮華 --- 對沙白雞+刴淑蒸鮮魚雲+蒙古烤羊排骨之評分 :







Mary : 清炒時菜+京都骨+砵酒焗魚雲+石岐乳鴒崧，炒菜算唔油啦亦唔算老，京都骨比咕嚕肉處理得好，好似金沙骨般一條過亦夠蜜味。砵酒焗魚雲嘅惹味程度可能原及落了辣椒嘅刴淑蒸鮮魚雲，不過仍然冇泥味。石岐乳鴒崧以生菜包加丁粒乳鴒肉，肉算炒得唔老，味道就唔覺太突出，不過可以當作餐前小食。

Mary CHAN --- 對清炒時菜+京都骨+砵酒焗魚雲+石岐乳鴒崧之評分 :


樂子 : 家姐都來啦~~





彩珠 : 頭抽雞煲+台式絕技炒蛋+薑蔥蠔+蒸蟶子，頭抽雞煲熱辣辣以煲仔上，味道雖然不會有很濃烈的味道不過輕輕的鹹味又帶起鮮雞肉味。台式絕技炒蛋一項真的要讚呢，雖然只是蛋+菜脯+崧子，不過蛋餅的內部是非常滑，有點點牛奶質感而充滿蛋香，加上菜脯一點都唔過鹹，要讚的功夫呢。薑蔥蠔用鐵板上，算是熱辣辣而蠔肉感覺算是滑滑呢。蒸蟶子加上粉絲蒜泥，不太油蟶子新鮮就足夠了。

馬場彩珠 : 對頭抽雞煲+台式絕技炒蛋+薑蔥蠔+蒸蟶子之評分 :






樂子 : 到最後嘅砵酒焗蠔+蒸魚+椒鹽鴨下巴，砵酒焗蠔蠔本身外表脆脆地之外，甜甜地嘅味道加上頗肥嘅蠔肉，感覺上層次更豐富。蒸魚食得到係新鮮魚冇乜電油味，OK可接受。椒鹽鴨下巴都幾得意，主要係食近脷同埋下巴底嘅肉呢，鹹鹹香香用手食送啤酒真係唔錯。

馬場樂子 --- 對砵酒焗蠔+蒸魚+椒鹽鴨下巴之評分 :

sonicshaia007

shuishuishui